Salvation

Hallöle mitenand

Nachdem ich letscht Jahr guet abgnoh gha han hani das Jahr wieder alles gäh demit ich s'fiese 80gi uf de Waag wieder gseh dörf

Anyway... jammere nützt ja nöd würkli vill, oder? Aber klar, mir sind au nur Mensche und ab und zue tuets guet wemmer zäme chlöne cha - mue ja nöd immer unbedingt ums Abnäh gah!

Hät sicher es paar Glichgsinnte da ume?

yvonne22

Sali du

Klar häts do Glichgsinnti umä Bin sogar glichschwer wiä du, das sind doch diä bestä Vorusetzigä zum zämä abneh...

Liäbs Grüässli

larissa*

Hey sali zäme....

han au grad wieder en durchhängermonet hinter mir und prompt ca 3kg zuegnoh... tja stress gha und es isch amigs echt schwer wemmer mal us em rythmus isch..... hoffe ich packs jetzt denn ändlich der ihstig wieder....

go schwümme gangi eigentli 1-2 mal in der wuche und han mit almased abgnoh gha, aber das schaffi im moment nöd... muen scho ässe... halt vollkorn, fettreduziert und viel trinke...

sueche no öpper wo mit mir chemt cho badminton spile....? wär öpper derbii?

also ich wünsche no ganz en schöne abig und viel kraft zum durehebe...

grüessli larissa

Salvation

Guete Morge mitenand!

Ja denn uf in Kampf Ladies

Almased...vor Jaaaaaaaahre hani mal BCM gmacht gha, aber ehrlich gseit, mir fehlt eifach sGfühl vom Esse... ha immer de Idruck gha ich müessi doch na was zum Chaue ha?!?

Eigentli wäri min Plan amigs gsi ei bis zwei Mal i de Wuche is Fitness gsi, aber im Moment ischs immer na es eigentli...am Mittwuch wotti jetzt entweder go schwümme oder is Fitness

Yvonne Du häsch aber au scho recht vill abgnoh - gratuliere!!!

yvonne22

Dankä Salvation I han das alles mit Weight Watchers abgnoh. Han jedoch au scho ziemlich alles usprobiert und muäs sägä das isch würklich srichtigä. I han so glernt gsund zässä und weiss au immer genau wiäviel. Vorher hani immer sgfühl gha i ässä zviel und han ständig äs schlechts gwüssä gha... Obwohl äs meistens sogar zwenig gsi isch. Und sobald mol chli zviel ässisch häsch grad äs kilo meh druf Das passiert mir hüt nümä. sGwicht bliebt eifach stoh, aber zuäneh duäni nümä, au letscht Johr über dWiähnicht nöd, das hät mi scho beidruckt

so i han hüt frei und gangä no is Fitnessstudio. Han mir jetzt vorgnoh jedä zweiti Tag zgoh...

tschüssi

P.S. woher chömet den ihr?

Salvation

Guete Morge allersits!

Jep, mit WW hani au die beschte Erfahrige gmacht und de gross Vorteil - au min Monsieur dihei hät s'esse devo total gern... es isch halt eifach kei Diät und mir passts vorallem dases nöd ständig heisst mer dörf dies und jenes nöd

Geschter isch zwar en "böse" Tag gsi...händ en Team-Event gha und klar, das Esse isch nöd grad unbedingt en Vorteil für e Abnahm gsi...aber hüt gahts wieder wieters und am Abig hani dihei na es Date mit mim Stepper Je nachdem isch morn Fitness oder Schwümme agseit

Chume us de Region Züri, schaffe selber tueni z'Züri