Hey zämä

I bi na ziemli neu im Kanton Thurgau und kenn daher au na so niemer. Da söll sich etzt aber ändere
Us dem Grund hani denkt, eröffni mal es Forum, wo sich Thurgauer/inne chönnd melde und sich gegesiitig ustusche, über ihres Abnehmziel und was au immer. Wär hammer wenn viellicht paar usem Thurgau au registriert sind und sich i dem Forum meldet und ustuuschet.

Liebs Grüässli

* a-stärndli *

Hallo!

Ha das erst hüt gseh dass do thurgauer gsuecht werdet!

du segi doch grad ICH ICH ICH!!!!!!!!

Wo wohnsch den du?
Sit wenn bisch den im Thurgau? Wieso häsch do ane züglet? *gwundrigbin*

Grüessli

Juhuiii, ha na öpper usem Thurgau gfunde *freu*
Aso i wohne sochli im Gaggo usse, aber churz beschriebe zwüschet Wiifelde und Chrützlinge. Und wo wohnsch denn du?
Na ja, bi ned ganz freiwillig züglet. Ha ja nanid mit de Usbildig agfange, da i ziemli lang id Schuel bi. Fang etzt denn ah im August mit de Usbildig. Die gaht denn au 3 Jahr. Jedefalls chani mer ide nögschte Ziit au ganz bestimmt na nüüt eiges leischte und füre WG kennai u zwenig... und min Lohn isch ide Usbildig au mega tüüf, darum liit da denn trotz allem au ned dinne.
Jo, und mini Eltere sind denn halt während i in Amerika gsi bi is Thurgau züglet, somit wohn i etzt halt au da.
Hend ebe d Möglichkeit gha, da günschtig es Huus zmiete und da hend mini Eltere denn au gnutzt die Chance. Da mer vorher imne Block gwohnt hend, isch da natürli schochli öppis anders.
Absgeh devo dasmer so im Gaggo wohnet und i au na niemer i mim Alter kenne, ischs suscht scho easy da. A jo, i bi etzt sit em Juli im Thurgau
Also du, sött eigentli wieder ad Arbet. Mer ghört sich sicher mal na.
Ganz liebs Grüässli

Guete Morge!

Wo gnau zwüsched Wyfelde und x-linge? I wohne vermuetli ned wiit weg... ganz i de nechi vo Märstette....
Was machsch den für e Usbildig?
Jo ishc scho chli blöd für di... kennsch niemert etc..
Wie alt bisch du scho wieder???

Grüessli

Aso s isch sones chliises Kaff, aber es ghört zu Lengwil. Da chunnt der viellicht bekannt vor
I wirde im Auguscht e Lehr als Kauffrau afange. Freu mi scho mega druf, obwohl... s wird sicher au chli stressig. Na ja, so isch halt s Lebe.
Bi na 18ni, am 2.2. wirdi denn 19ni *megafreu*
Jo isch halt schochli blöd, aber i denke, sobald i denn mit de Usbildig afah, wirdi denn scho bitzli meh kenne. Brucht halt efach chli Ziit.
Hmm... Märstette chunnt mer bekannt vor, soviel i weiss hani mi det au Beworbe gha igendwo, aber e Absag erhalte
Und, hesch scho bsundrigi Plän fürs Wuchendend?
Also du, i wünsch der na e mega schöns Weekend, tue ned zwild

Liebs Grüässli

Hoi du!

Wo fangsch den dini Lehr ah?
Jo dur d'Schuel und durs gschäft wirsch sicher einigi Lüüt kennelerne!
Jup Lengwil seit mer was.

Häsch du es schös Wucheend gha?

Grüessli